جناب مولانا حذیفہ وستانوی صاحب دامت برکاتهم
السلام علیکم ورحمۃ اللہ وبرکاتہ
بصد ادب و احترام!
حضرت مولانا غلام محمد وستانوی صاحب رحمۃ اللہ علیہ کے وصال کی خبر دل و روح کو ہلا دینے والی ہے۔
انا للہ وانا الیہ راجعون۔
حضرتؒ کا شمار اُن برگزیدہ علماء میں ہوتا ہے جنہوں نے اپنی پوری زندگی قرآن کریم کی خدمت، اشاعتِ دین، اور مدارس و مکاتب کے قیام و استحکام میں صرف کر دی۔ وہ ہزاروں علماء، قراء، طلبہ، اور عوام الناس کے لیے ایک مربی، محسن، اور مشعلِ راہ تھے۔ ان کی علمی گہرائی، اخلاص، سادگی، اور امت کے لیے فکر مندی، ہمارے جیسے کم علموں کے لیے ہمیشہ ایک مثالی نمونہ رہے گی۔
ان کا وصال صرف ایک خانوادے یا ایک ادارے کا نہیں، بلکہ امت کا عظیم خسارہ ہے۔ جامعہ اشاعت العلوم سمستی پور اور الامداد ایجوکیشنل اینڈ ویلفیئر ٹرسٹ کی جانب سے ہم آپ کی خدمت میں تعزیت پیش کرتے ہیں۔ اللہ رب العزت حضرتؒ کی کامل مغفرت فرمائے، ان کے درجات بلند فرمائے، اور ان کی باقیاتِ صالحات کو آپ کے ذریعہ مزید ترقی عطا فرمائے۔
اللہ تعالیٰ آپ کو اور تمام متعلقین کو صبرِ جمیل عطا فرمائے، اور حضرتؒ کی علمی و روحانی وراثت کو زندہ و تابندہ رکھنے کی توفیق عطا فرمائے۔
والسلام
قاری ممتاز احمد جامعی
بانی و ناظم، جامعہ اشاعت العلوم سمستی پور
جنرل سیکریٹری، الامداد ایجوکیشنل
اینڈ ویلفیئر ٹرسٹ
کوئی تبصرے نہیں:
ایک تبصرہ شائع کریں
براہِ کرم موضوع سے متعلق اور باوقار تبصرہ کریں۔